ಮನಸಿಗೊಂದು ಅನಲಿಸಿಸ್ ಬೇಕಾ?

ಮನಸಿಗೊಂದು ಅನಲಿಸಿಸ್ ಬೇಕಾ?

ಜೀವನದಲ್ಲಿ ನೋಡೋಕೆ ಇನ್ನೇನು ಉಳಿದಿದೆ ಎನ್ನುವ ತರಹದ ಬೇಸರ

ಕುಳಿತಲ್ಲಿ ಕುಳಿತೆ ಇರುವದು ಅಸಾಧ್ಯ ,ಪಕ್ಕದ ಮನೆಯ ಹುಡುಗಿ ಒಂದು ಚಿಕ್ಕ ಸ್ಮೈಲ್ ಕೊಟ್ಟು ಅಕ್ಕ, ಊಟ ಆಯ್ತ ಎಂದು ಕೇಳಿದಾಗ ,ಮನೆಯ ಬಾಗಿಲು ತೆಗೆದ ಸಂಕಟಕ್ಕೆ ,ಹ್ಮ್ ಈವಾಗ ತಾನೇ ಆಯ್ತಮ್ಮ ,ನೀ ಏನು ಅಡುಗೆ ಮಾಡಿದ್ದೆ ? ಎನ್ನುವ ಮರು ಪ್ರಶ್ನೆ ಹಾಕಿ ಅಲ್ಲಿಂದ ನಿಧಾನಕ್ಕೆ ತಪ್ಪಿಸಿಕೊಂಡು ಬಂದರೆ ಅದೇನೋ ಒಂದು ರೀತಿಯ ತೃಪ್ತಿ ..ಹಾಂಗಂತ ಮನೆಯಲ್ಲಿ ಮಾಡೋಕೆ ಟನ್ಗಟ್ಟಲೆ ಕೆಲ್ಸ ಇದೆಯಂತಲ್ಲ.. ಆದರೂ...ಕಾರಣ ನಂಗೆ ಮೂಡ್ ಇಲ್ಲ!

ಮೂಡ್ ' ನನ್ನೊಡನೆ ಈಸ್ಟೆಲ್ಲಾ ಆಟ ಆಡುತ್ತಾ ? ಎಂದು ಒಮ್ಮೊಮ್ಮೆ ನಿಜಕ್ಕೂ ಅಚ್ಚರಿ ..
ಊಟ ಮಾಡು ಪ್ಲೀಸ್ - ನಂಗೆ ಮೂಡ್ ಇಲ್ಲ
(ಅಸಲು ಹಸಿವಿಲ್ಲ!)
ಹೋಗ್ಲಿ ನಿದ್ದೇನಾದ್ರೂ ಮಾಡು - ಹೂಂ ...ಮೂಡ್ ಇಲ್ಲ !

ಈ ಮೂಡ್ ಅನ್ನೋದು ಈ ಲೆವೆಲ್ ಗೆ ಕೈ ಕೊಡುತ್ತಾ?


ಯಾಕೆ ಹೀಗೆ ಎಂದೆಲ್ಲ ಒಂದು ಚಿಕ್ಕ ಅನಲಿಸಿಸ್ ಮಾಡಬೇಕ? ಅಥವ ಸುಮ್ಮನೆ ಬಾಯಿ ಮುಚ್ಚಿಕೊಂದು ತೆಪ್ಪಗೊಂದು ಬದಿಯಲ್ಲಿ ಸಾದಿ ಕುಳಿತಿರಲ?...ಹ್ಮಂ ಒಮ್ಮೊಮ್ಮೆ ಈ ಲೆವೆಲ್ ಗೆ ಬೇಸರ ವಾಗುತ್ತೆ .ಕಾರಣ ಗೊತ್ತೇ ಇರೋದಿಲ್ಲ..ಆಗೆಲ್ಲ ಹಿಮಾಲಯದತ್ತ ಸಾಗೋಣ ಎಂದು ನನ್ನ ಮನಸಿಗೊಂದು ಪ್ರಶ್ನೆ ಇಡುತ್ತೇನೆ..ಆ ಎತ್ತರದ ಹಿಮಾಲಯ ನನಗೆ ಯಾವತ್ತು ಒಂದು ಸವಾಲಾಗಿ ಕಂಡಿದೆ..ಯಾಕೋ ಗೊತ್ತಿಲ್ಲ.ನನ್ನ ಸ್ನೇಹಿತರೆಲ್ಲ ಹಿಮಾಲಯ ಪ್ರವಾಸ ಮುಗಿಸಿ ಬಂದಾಗ ನನಗೆ ಹಿಮಾಲಯ ಬಹುವೆ ಕಾಡಿದ್ದು ಸುಳ್ಳಲ್ಲ.....
ಮೂಡ್ ಮಾಯೆ ಎಂದರೆ ಇದೆ ಅಲ್ವಾ? ನಿಮಗೂ ಫೀಲ್ ಆಗಿರಬಹುದು.
ಯಾರೋ ಹೇಳಿದ ಒಂದು ಚಿಕ್ಕ ಮಾತು , ಯಾರೋ ಕಳುಹಿದ ಒಂದು ಈಮೈಲ್,ಉಪ್ಪು ಖಾರ ರುಚಿ ಹದವಿರದ ಒಂದು ಊಟ,ತೀರಾ ಹಚ್ಚಿಕೊಂಡ ಫ್ರೆಂಡು ,ಪಕ್ಕದ ಮನೆಯ ಅಜ್ಜ ಅಜ್ಜಿಯ ಗಲಾಟೆ

ಎದುರು ಮನೆಯ ಚಿಕ್ಕ ಗುಡಿಸಲಲ್ಲಿ ಮುದುಡಿ ಮಲಗಿದ ಪುಟ್ಟ ಮಕ್ಕಳು , ಹೀಗೆ ಏನೇನೋ ಕಾರಣಗಳು ....

ನಿಜಕ್ಕೂ ಈ ಮನಸು ಮೂಡ್ ಇಲ್ಲ ಎಂದು ಹೇಳಿ ಎಲ್ಲದರಿಂದ ತಪ್ಪಿಸಿಕೊಳ್ಳುವದು ಏತಕ್ಕೆ?
ನಿಜಕ್ಕೂ ಮನಸಿನ ಆರೋಗ್ಯ ಸರಿ ಇಲ್ಲ ,ಒಂದು ಚೂರು ನೆಮ್ಮದಿ ಬೇಕು ,ನನ್ನ ಪಾಡಿಗೆ ಬಿಟ್ಟುಬಿಡಿ ಎನ್ನೋಕ?
ಕಾರಣ ಗಳು ಏನಾಗಿರಬಹುದು ?
ಮನಸಿಗೊಂದು ಅನಲಿಸಿಸ್ ಬೇಕಾ?
ಮುಂದಿನ ಭಾಗದಲ್ಲಿ ! ....

 ಪುಟಗಳು ತೇಲಿ ಬಂದಿದ್ದು ಹೀಗೆ .....

ಮನಸ್ಸು ರಿಲ್ಯಾಕ್ಸ್ ಆಗಲು ಕಂಡುಕೊಂಡ ಹಾದಿ ಬರಹ.

ನೋಡಿದ್ದು ,ಕೇಳಿದ್ದು ,ಗಾಳಿಯಲ್ಲಿ ತೇಲಿ ಬಂದದ್ದು ,ಈಮೇಲ್ ನಲ್ಲಿ ಸ್ನೇಹಿತೆ ಕಳುಹಿಸಿದ್ದ ಚಿಕ್ಕ ಹೈಕು ,ಸಣ್ಣ ಕಥೆ ,ಅಮ್ಮ ಫೋನ್ ನಲ್ಲಿ ಹೇಳಿದ್ದ ಸುದ್ದಿ ,ಎಲ್ಲವಕ್ಕೂ ಒಂದು ಹೊಸ ಟಚ್ ಕೊಟ್ಟು ,ನನ್ನ ಮನಸು ಹೇಳಿದ್ದನ್ನ ಕೇಳಿ ,ಇದನ್ನು 'ಆಕೆ ' ಯಾವಾಗ ಹೇಳಿರಬಹುದು ಎಂದು ಒಂದು ಚಿಕ್ಕ ಗೆಸ್ ವರ್ಕ್ ಮಾಡಿ ,ಎಲ್ಲ ಕೂಡಿಸಿ,ಕಳೆದು ಕಟ್ಟಿ ,ಒಂದು ಹೊಸ ತೆರನಾದ ಲೋಕಕ್ಕೆ ಕರೆದೊಯ್ಯುವ ಪ್ರಯತ್ನ ..

ನನ್ನ ಮೊದಲ ಬ್ಲೋಗನ್ನು ೩ ವರುಷಗಳ ಹಿಂದೆಯೇ ಆರಂಭಿಸಿದ್ದೆ ..ಆಗೊಂದು ಈಗೊಂದು  ಜಲನಯನ ಸರ್     ಹೇಳಿದ ಹಾಗೆ ಮಿಸ್ಸೈಲ್  ನಂತೆ  ಒಂದೊಂದನ್ನು ಬರೆಯುತ್ತಿದ್ದೆ . ..ಕನ್ನಡ ಮತ್ತು ಆಂಗ್ಲ ಮಿಶ್ರಿತ ಲೇಖನ ಗಳನ್ನು ಬರೆಯಬೇಕೆನಿಸಿದಾಗ ಬರೆದು ಬಿಟ್ಟೆ ...ಆದರೆ ಯಾಕೋ ಗೊತ್ತಿಲ್ಲ ಸಮಾಧಾನವೇ ಆಗಿರಲಿಲ್ಲ... ಕನ್ನಡ ವನ್ನು ಬೇರೆಯದೇ  ಬ್ಲೋಗಿನಲ್ಲಿ  ಬರೆಯೋಣ ಅನ್ನಿಸಿತ್ತು ,,,ಇಂದು ಅದನ್ನು ಆರಂಭಿಸಿಬಿಟ್ಟಿದ್ದೇನೆ...


ನೀವು ಓದಿ ,ಮನಸಿಗೆ ಖುಷಿ ಅನಿಸಿದರೆ ನಿಮ್ಮ ಅಭಿಪ್ರಾಯಗಳನ್ನು ತಿಳಿಸಿ ,ಸಲಹೆ ,ಪ್ರೋತ್ಸಾಹ ನಿಮ್ಮಿಂದ ತೇಲಿ ಬರುತ್ತಿರಲಿ ಎಂಬುದು ನನ್ನ ಚಿಕ್ಕ ಆಶಯ....

ಬರೆಯಲೇಬೇಕೆನ್ನುವ ಹಟವಲ್ಲ, ಬರೆದರೆ ನಾನು ಪ್ರಖ್ಯಾತಿ ಪಡೆಯಬಲ್ಲೆ ಎಂಬ ಹಮ್ಮೂ ಇಲ್ಲ ಯಾಕೆ ಗೊತ್ತಾ ? ನಾನೊಬ್ಬ ಮನಸ್ಸಿನ ಮಾತು ಕೇಳುವವ ...ಮನಕ್ಕೆ ಸರಿ ಅನ್ನಿಸಿದ್ದನ್ನು ಯಾರ ಹಂಗು ಇಲ್ಲದೇ ಕಾರ್ಯರೂಪಕ್ಕೆ ಇಳಿಸುವವ. ನನಗೆ ವಾರಕ್ಕೊಂದು ಬರೆಯಲೇ ಬೇಕೆಂಬ ಹಟವಿಲ್ಲ .ಒಂದು ದಿನ ಒಂದು ಸಂಜೆ ಮನೆಯ ತೆರೆಸಿನ ಮೇಲೆ ಹತ್ತಿ ಕುಳಿತಾಗ ಯಾಕೋ ಬರೆಯ ಬೇಕೆನ್ನಿಸುತ್ತದೆ ,ಓದುತ್ತಿರುವ ಮೋಡ ನೋಡುತ್ತಾ ಕುಳಿತಿದ್ದಾಗ ಯಾವಾಗಲೋ ಒಮ್ಮೆ ಈಗ ಬರೆಯುವೆ ಎಂಬ ಉಲ್ಲಾಸ ಮನೆಮಾಡಿಬಿಡುತ್ತೆ ,ಆಗ ನಾನು ಬರೆಯುವದನ್ನ ಯಾರೂ ತಪ್ಪಿಸಲಾಗುವದಿಲ್ಲ...